Bilboko Udalak, Berdintasun, Lankidetza, Bizikidetza eta Jaietako Sailaren bitartez, Azaroaren 25aren, alegia, Emakumeenganako Indarkeriaren kontrako Nazioarteko Egunaren omenez, ekitaldi bat antolatu du, non alkate eta talde politikoak parte hartu duten, baita arlo publikotik eratorritakoek ere, emakumeen elkarteek eta elkarte feministek, merkatariek, elkarte kulturalek, ikastetxeek etab.
Ekitaldia, manifestu eta hainbat testuen irakurketa publiko eta parte-hartzailean oinarritu da, gizarte berdintzaile baten eraikuntza kolektiboa errebindikatu duten manifestuak izan dira eta emakumeen aurkako edozein indarkeria salatzen zutenak. Argazkian ikus daitekeen bezala, Euskal errugbiaren ordezkari bezala, Getxo RT-ko eta Euskal Selekzioko GARAZI URIARTEK hartu du parte bertan.
