Euskadiko Errugbi Federazioak prestakuntza-eskaintza berria antolatu du 2026ko irailerako. WR L1, WR L2 eta N1 ikastaroak Getxon egingo dira, errugbian monitore eta entrenatzaile gisa trebatu edo formakuntzan aurrera egin nahi duten pertsonentzat.
Izena emateko epea 2026ko ekainaren 22tik uztailaren 15era egongo da zabalik, eta ikastaro bakoitzak 20 eta 25 ikasle arteko edukiera izango du.
WR L1 eta WR L2 ikastaroak
WR L1 ikastaroa irailaren 18, 19 eta 20an egingo da. Prezioa 175€ izango da, eta 16 urtetik gorako pertsonei zuzenduta dago. Formakuntza honek M8, M10 eta M12 kategorietako monitore gisa aritzeko gaitasuna emango du.
WR L1 izen-emate formularioa:
https://docs.google.com/forms/d/e/1FAIpQLSfDnahEhSUgCZnOFUm3G9W3g7E0hGJtW7p_SgAT7dg3bOAW7A/viewform
Bestalde, WR L2 ikastaroa irailaren 11, 12 eta 13an eta 18, 19 eta 20an egingo da. Prezioa 240€ izango da. Ikastaro honetan parte hartzeko 16 urtetik gora izatea eta WR L1 titulua aurkeztea beharrezkoa izango da. Formakuntza honek M14, M16 eta M18 kategorietako monitore gisa aritzeko gaitasuna emango du.
WR L2 izen-emate formularioa:
https://docs.google.com/forms/d/e/1FAIpQLSfZlfUTRsFwj_dUz1iOYajnmuGwwPNR_V0a0MKitp3t5yHI2g/viewform
N1 ikastaroa
N1 ikastaroak hainbat atal izango ditu: sarrera froga, bloke espezifikoa, bloke amankomuna eta praktika aldia. Bloke espezifikoa irailaren 11, 12 eta 13an, 18, 19 eta 20an eta 25, 26 eta 27an egingo da. Bloke amankomunaren erreferentzia-data 2026ko azaroaren 30a izango da.
N1 ikastaroaren prezioa 370€ izango da bloke espezifikoa eta praktikak egiteko, eta 80€ bloke amankomunerako. Parte hartzeko, 16 urtetik gora izatea, 18 urtetik beherakoen kasuan gurasoen baimena aurkeztea, WR L2 titulua izatea eta sarrera froga gainditzea beharrezkoa izango da. Formakuntza honek senior EUS + M23 entrenatzaile gisa aritzeko gaitasuna emango du.
N1 ikastaroan izena emateko, interesdunek izen-emate orria eta ordainagiria helbide honetara bidali beharko dituzte:
ekfb@euskalkirola.eus
N1eko izen-emate orrian datu pertsonalak, datu akademikoak, bloke amankomuneko matrikulazioa, balizko baliozkotze-eskaerak eta praktika aldiko matrikulazioa jasotzen dira.
Bete formularioa esteka honetan.
Izen-emateak eta ordainketak
WR L1 eta WR L2 ikastaroen kasuan, izen-ematea formularioaren bidez formalizatuko da. Horretarako, ordainagiria eta, beharrezkoa bada, dagokion WR titulua erantsi beharko dira. Dokumentazioa egiaztatu ondoren, Euskadiko Errugbi Federazioak onartutako ikasleei jakinaraziko die eta ikastaroaren informazio osagarria bidaliko die.
WR L1-L2 ordainketa
Kontu-zenbakia: ES38 0081 4355 2300 0105 9912
Onuraduna: Euskadiko Errugbi Federazioa – Federación Vasca de Rugby
Kontzeptua: Izen-abizenak + ikastaroa
N1 ordainketa
Kontu-zenbakia: ES73 2080 3638 2130 4000 7094
Onuraduna: Euskal Kirol Federazioen Batasuna
Kontzeptua: Izen-abizenak + ikastaroa-atala
Euskadiko Errugbi Federazioak ikastaro bat bertan behera uzteko eskubidea izango du, nahikoa izen-emate ez badaude. Kasu horretan, izen-ematearen zenbateko osoa itzuliko da. Inskripzioa ez da itzuliko, ezinbesteko kasuetan izan ezik; egoera horretan, zenbatekoaren %25 atxikiko da kudeaketa-gastuak estaltzeko.