CESA bueltan da gure talde guztientzat larunbat honetan Gaztela eta Leongo selekzioen aurka. Mutilak Ordizian jokatuko dute eta neskak Burgosera bidaiatuko dute, zenbait kasutan estutasunik ez pasatzeko edo 19A nesken kasuan lidergoa lortzeko funtsezko jardunaldi batean.
Euskadiko 19A emakumezkoen selekzioak garaipena lortu behar du larunbat honetan, 17:00etatik aurrera San Amaron (Burgos) Gaztela eta Leongo aurka, B taldeko txapeldun izateko eta A taldeko txapeldunen aurkako finalerako sailkatzeko. Andaluzia 19-17 garaipen ikusgarri eta emozionantearen ostean, neskek ez dute fidatu behar, gaztelarrek ere aurre egin baitzioten Andaluziari; beraz, partida parekatua eta zirraragarria espero da. Partida zuzenean jarraitzeko esteka: https://www.youtube.com/watch?v=Dcp1brZqhT8
16A emakumezkoen selekzioak ere garaipena behar du lehen mailan beste urte bat jarraitzeko. Taldeak oso maila altua erakutsi du, nahiz eta ez duen partida guztietan mantentzerik izan, baina potentzial handia duen taldea da. Sailkapenean bosgarrenak 4 punturekin, garaipen batek egonaldia bermatuko luke, Gaztela eta Leon azken postuan baitago, 0 punturekin, eta jardunaldi bakarra geldituko litzateke. Larunbatean, 15:00etatik aurrera, partida zuzenean jarraitu ahal izango da Las Pingüinas-en kanalean: https://www.youtube.com/watch?v=71JInMilLaQ
18A mutilak garaipen bat merezi dute lehenengo hiru jardunaldi onen ostean, beti gutxigatik galdu baidute. 3 puntu dituzte sailkapenean, guztiak bonus defensiboengatik lortuak. Bosgarrenak dira, eta azken sailkatua den Gaztela eta Leon taldea izango dute aurkari. Garaipen batek egonaldia bermatuko luke. Zain izango gara harmailetan gogotsu animatzen!
Larunbatean, 15:00etatik aurrera, Altamiran (Ordizia) partida erabakigarria izango da eta zuzenean jarraitu ahal izango da esteka honetan: https://www.youtube.com/live/b0B3wIDi3sY?si=pWoqbFjxDXnDZJsG
16A mutilen selekzioak 18A-en egoera berdina du sailkapenean, puntu bakarrarekin, baina helburua berdina da: 4 puntu lortu eta urte guztian zehar egindako lan bikaina islatzea, lehen mailan beste urte batez jarraitzeko.
Larunbatean, 13:00etatik aurrera, Altamiran (Ordizia) Gaztela eta Leonen aurka tentsio handiko partida izango da, haien jokalariak Madrilgo ligan aritzen baitira, eta aurkari gogorra izango da. Partida zuzenean jarraitzeko gure YouTube kanaleko esteka hau duzue eskura: https://www.youtube.com/live/b0B3wIDi3sY?si=pWoqbFjxDXnDZJsG